Добродојдовте

Менса Македонија е дел од Mensa International , меѓународното здружение на луѓе со висок коефициент на интелигенција. Тоа, пред се, е друштво на пријатели - збир на луѓе од различно потекло, карактер, старост, со различни професии и полиња на интерес.

Тестирање за нови членови на 28.10.2017 PDF Печати Е-пошта
Напишано од Administrator   
Среда, 18 Октомври 2017 14:48

Oрганизацијата на луѓе со натпросечна интелигенција
Менса Македонија организира ТЕСТИРАЊЕ
за прием на нови членови


кога:    28 октомври 2017 (сабота) во 12 часот

каде:    во Амфитеатарот на ФЕИТ во Скопје

потребно:    имате наполнето 16 години, лична карта,
потврда за уплата на 300 денари
(примач: Менса Македонија,
сметка: 300-0000002113-02,
банка: Комерцијална банка,
цел на дознака: Тестирање,  шифра 280)


Тестирањето се одвива со стандардизирани тестови за интелигенција на Mensa International® и резултатите се тајни. Доколку вашиот резултат е во горните 2% од светската популација, стекнувате право да станете член на Менса Македонија, а со тоа и во Mensa International®.

Последно освежено на Среда, 18 Октомври 2017 16:20
 
Известување за промени во членараната PDF Печати Е-пошта
Напишано од Administrator   
Среда, 18 Октомври 2017 15:44

Управниот Одбор на Менса Македонија донесе одлука за промена на цената и времетраењето на членарината на новите уплати.

1. Обновите на членарина по 31.12.2017 ќе бидат по следните износи:

  • 300 денари (за една година)
  • 750 денари (за три години)

2. За членовите на кои членарината им истекува на 31.12.2017, како и за членовите кои во моменот се недобростоечки, се прави отстапка: доколку обноват членарина заклучно со 31.12.2017, истата ќе биде со времетраење од моментот на уплата до 31.12.2018 (за една година), односно 31.12.2020 (за три години) по следните цени:

  • 200 денари (за една година)
  • 400 денари (за три години)

(Отстапката не важи за членовите на кои членарината им истекува на крајот на 2018 или 2019.)

3. На новите членови кои ќе се зачленат до 31.12.2017, членството ќе им се продоложи за една година и ќе важи до 31.12.2018.

Членарината се регулира исклучиво преку уплата на сметката на организацијата. На уплатница наведете го износот за една година или за три години и следните детали:

  • Цел на дознака: членарина за една година/три години
  • Назив на примачот: Менса Македонија
  • Сметка: 300-0000002113-02
  • Банка на примачот: Комерцијална банка А.Д. Скопје
  • шифра 280

Ве молиме, по уплатата, пратете скенирана потвда за уплатата на имејл: Оваа е-пошта е заштитена од spambots, треба да вклучите JavaScript за да ја видите


 

Последно освежено на Среда, 18 Октомври 2017 15:54
 
Менса средба 2.4.2016 PDF Печати Е-пошта
Напишано од Administrator   
Четврток, 31 Март 2016 19:17

Почитувани добростоечки членови,
ве покануваме на неформална Менса средба која ќе се одржи на 2.4.2016 (сабота) во Скопје, во кафе-книжарницата Магор со почеток во 12 часот. Средбата ќе ја искористиме да ги додeлиме новите членски картички, како и меѓусебно да се запознаеме, да се дружиме и да размениме идеи и ставови. Исто така, на средбата ќе ве информираме за тековни активности на Менса Македонија и Mensa International. Поканети се сите добростоечки членови, но и сите оние кои сакаат да ја обноват членарината за 2016 година.


Последно освежено на Четврток, 31 Март 2016 19:19
 
Конкурс за прибирање на кандидатури за Избори 2016 ММ PDF Печати Е-пошта
Напишано од Administrator   
Вторник, 01 Ноември 2016 00:07

Почитувани добростоечки членови,

во прилог го објавуваме Конкурсот за прибирање на кандидатури за Изборите 2016 во Менса Македонија.

Линк до конкурсот во електронска форма.

Краен рок за поднесување на кандидатурите е 30 ноември 2016, до 23:59 часот.

Датум на објавување на конкурсот:
01.11.2016

Изборна комисија:
Иван Беловски – Изборен супервизор
Адријан Божиновски – член
Ненад Мицов – член

 

Последно освежено на Вторник, 01 Ноември 2016 00:13
 
Презакажана седница на Собранието на Менса Македонија за 17.01.2016 PDF Печати Е-пошта
Напишано од Administrator   
Вторник, 29 Декември 2015 12:17

Почитувани добростоeчки членови,


редовната седница на Собранието на Менса Македонија од 20.12.2015 година не се одржа поради немање кворум.


Согласно Статутот на Менса Македонија, член 30, седницата на Собранието се одложува во рок од 30 дена. Презакажаната седница ќе се одржи на 17 јануари 2016 година (недела) со почеток во 14:00 часот и согласно Статутот ќе работи со присутните членови. Местото на одржување на презакажаната седницата на Собранието ќе биде дополнително објавено. Дневниот ред останува ист:

1. Усвојување на Дневниот ред на седницата;

2. Информирање во врска со состојбата на сметката на Менса Македонија во периодот од мај 2014 до септември 2015;

3. Информирање во врска со тековната состојба во Менса Македонија.

 

Во прилог ви го испраќам записникот од седницата на 20.12.2015.


Воедно, ги потсетуваме членовите чија членарина истекува на 31.12.2015 да ја обноват членарината најдоцна до 17 јануари 2016, за да можат да присуствуваат и активно да се вклучат на презакажаната седница.

(Членовите чија членарина истекува веќе имаат добиено известување на нивните електронски пошти.)

 

Во меѓувреме, ви посакуваме весели и пријатни празници и успешен почеток на Новата 2016 година.

 

Привремен управен одбор на Менса Македонија

Адријан Божиновски

Ненад Мицов

Дмитриј Вангелов

Божидар Кочоски

Последно освежено на Вторник, 29 Декември 2015 12:20
 
« ПочетокПред1234СледноКрај »

Страница 1 од 4

Две годишната Марвел-156 IQ

Тест за вежба